O CITIC e a FIC celebran a IV edición do Machine Learning Workshop Galicia
xoves, 17 de outubro do 2019
O Centro
de Investigación TIC (CITIC) da Universidade da Coruña organiza xunto a
Facultade de Informática da UDC a cuarta edición do
Machine Learning Workshop Galicia (WGML2019), que congrega hoxe a máis de
150 participantes. Este evento ten o obxectivo de amosar os avances e as
oportunidades de futuro do Machine Learning ou Aprendizaxe Máquina, unha rama
da Intelixencia Artificial que se está a converter nun referente en
practicamente calquera campo de coñecemento.
A sesión de apertura correu a cargo do vicerreitor de
PolÃtica CientÃfica, Investigación e Transferencia da UDC, Salvador Naya
Fernández; o director do CITIC, Manuel F. González Penedo; o decano da
Facultade de Informática, Luis Hervella Nieto; e o organizador do evento,
investigador do CITIC e catedrático da UDC, Ricardo Cao. Durante todo o dÃa de
hoxe terán lugar diferentes relatorios, comunicacións e, como novidade nesta
edición, tamén presentación de retos por parte de empresas, asà como sesión de
pósteres.
O vicerreitor de PolÃtica CientÃfica, Investigación e
Transferencia da UDC afirmou que o Machine Learning Workshop Galicia estase a
converter «nun dos foros
máis importantes a nivel autonómico», salientando a gran calidade das
conferencias. Pola súa banda, o director do CITIC destacou a particularidade do
evento de abarcar tanto ao ámbito investigador como o tecido empresarial. O
coordinador do workshop quixo subliñar o «gran número de comunicacións
recibidas».
O comité cientÃfico do WGML2019 está integrado, ademais de
Ricardo Cao, pola investigadora do CITIC Bertha Guijarro e polo CEO de Cinfo
(empresa ubicada no CITIC), Antonio RodrÃguez del Corral. Colaboran na
organización o CiTIUS da Universidade de Santiago de Compostela, o CESGA, e
atlanTTic da Universidade de Vigo.