Novos auriculares sen fíos de Creative ideais para xogar no ordenador

Creative Technology anunciou esta semana uns novos auriculares con micrófono Sound Blaster Tactic·D Rage Wireless, ideais para o seu uso dende ordenadores PC e Mac, por permitir unha cómoda reprodución sonora sen fíos sen retardo (a transmisión realízase sen compresión) cunha sensación envolvente 7.1 que resulta especialmente atractiva para o uso de videoxogos (mellorando a sensación de inmersión nos mesmos) e que incluso conta con iluminación LED personalizable (para elixir a cor que combine mellor co noso estilo).
Estes auriculares tamén contan con control de volume no casco, batería recargable por USB cunha autonomía de ata 16 horas e un prezo de 99,99 euros. Chegará ás tendas en poucos días, contando tamén cunha versión con cable USB que ten un prezo 20 euros inferior.