Novos Walkman de Sony con pantalla táctil OLED

martes, 14 de abril do 2009 Marcus Fernández

O vindeiro día 25 Sony porá á venda no Xapón os seus novos reprodutores multimedia da serie NW-X1000, que chegarán inicialmente en cor negra e vermella e dos que aínda non se anunciou a data de lanzamento para o resto do mundo.
Esta nova familia de dispositivos conta con pantalla táctil OLED de 3 polgadas cunha resolución de 240 x 432 píxeles, Wi-Fi, soporte para YouTube, funcionalidade de cancelación de ruído e mesmo sintonizador de radio FM e de televisión One-Seg (entendemos que este último só estaría dispoñible nos modelos nipóns). Miden 97,4 x 52,5 x 10,5 milímetros (polo que son un pouco máis pequenos cun iPod Touch) e reproducen son en MP3, HE-AAC, AAC, WMA, PCM, ATRAC e ATRAC Advanced Lossless e vídeo en MPEG-4 AVC, H.x64 e WMV.
Os primeiros modelos destes reprodutores serían o NW-X1050 e NW-X1060, con 16 e 32 Gb de memoria interna respectivamente.

PUBLICIDADE