Novo televisor de Sharp con reprodución multimedia

luns, 30 de novembro do 2009 Marcus Fernández

O televisor de 32 polgadas Sharp LC32DH500E vén de chegar ao mercado español destacando por dous detalles en concreto: fabricarse na planta que ten a compañía nipona en Sant Cugat del Vallès e ser o primeiro televisor LCD de Sharp con Mediaplayer por USB.
O televisor é capaz de reproducir vídeos en formatos MPEG, VOB, DAT, DivX, AVI, MOV, XviD e MKV, música en MP3, AAC e WAV e texto plano a través da súa conexión USB. Conta cun contraste dinámico de 25.000:1, un brillo de 500 cd/m2, sintonizador de TDT de alta definición, fenda C.I. para poder adaptalo á TDT Premium, HDMI, 2 euroconectores e un prezo de venda de 499 euros.

PUBLICIDADE