Nova cámara dual de peto de Sanyo con zoom óptico de 3x

venres, 20 de agosto do 2010 Marcus Fernández

Aínda que as cámaras de vídeo compactas normalmente non destacan pola súa calidade de imaxe, este factor vai corrixíndose paulatinamente, e así Sanyo anuncia a súa cámara dual (capaz de gravar vídeo e tomar fotografías de calidade) VPC-PD2BK, que cun tamaño semellante ao dun mazo de naipes é capaz de gravar vídeo en alta definición (de 1.920 x 1.080 píxeles a 30 imaxes por segundo en formato MPEG-4 AVC/H.264) con son estéreo e tomar imaxes de 10 Mpíxeles, ao que hai que engadir o feito de que inclúe un zoom óptico de 3x, algo pouco habitual en dispositivos de tamaño tan reducido e prezo económico (a cámara venderase a partir de setembro nos EE.UU. por 169,99 dólares).
A cámara grava en tarxetas de memoria SD, SDHC e SDXC (de ata 64 Gb), conta con saída de mini-HDMI para poder ver as nosas gravacións nun televisor de alta definición, pantalla de 2 polgadas, e carga a súa batería interna por USB (co conector correspondente agochado no seu interior cando non o utilizamos).

PUBLICIDADE