Nokia presenta 2 novos móbiles pensados para a reprodución de música
martes, 22 de abril do 2008
- Os terminais Nokia 5320 e 5220 da familia XpressMusic
Nokia vén de presentar dous novos terminais da serie
XpressMusic, que sairán á venda no terceiro trimestre do ano e pretenden
atender ás demandas de consumo musical de boa parte dos usuarios de móbiles do
fabricante finlandés.
O Nokia 5320 XpressMusic é un terminal 3G que permite tanto reproducir música
como acceder á web, destacando por contar con Say and Play, unha tecnoloxÃa que aplica o recoñecemento de voz á
reprodución multimedia (os usuarios poden dicir o nome dun cantante ou unha
canción para escoitala). Os ficheiros poden gardarse na súa memoria interna de
ata 8 Gb.
O navegador web incorpora permite acceder a Ovi e Nokia Search 4.1, o que fai
doado atopar e compartir contidos (que se transmiten a grande velocidade grazas
á conectividade HSDPA) e o terminal tamén está adaptado para a plataforma de
xogos N-Gage. O prezo deste móbil será de 220 euros + IVE.
O Nokia 5220 XpressMusic, pola súa banda, é unha versión máis básica, que
prescinde da conectividade HSDPA para poder ter un prezo de 160 euros + IVE.