Nokia CS-10: o primeiro modem USB 3G do fabricante finlandés

luns, 15 de decembro do 2008 Marcus Fernández

Pese a que o sector dos modems 3G para equipos informáticos parece monopolizado por Huawei, iso non bota para atrás a Nokia, e así a compañía finlandesa prepara o Nokia CS-10, un modem USB 3G con conectividade HSPA de ata 7,2 Mbps de baixada e 2 Mbps de subida que mide 87,4 x 26,7 x 13,4 milímetros e 30 gramos de peso que sairá á venda en Europa a primeiros de 2009.
Tapio Markki, vicepresidente de compoñentes de hardware en Nokia, afirmou a Reuters ao falar da experiencia da súa compañía no desenvolvemento de tecnoloxías 3G que «usando estas capacidades, cremos que estamos ben posicionados para converternos nos principais provedores de solucións HSPA. Está previsto que o mercado HSPA medre moi rapidamente durante os vindeiros anos».

PUBLICIDADE