Nadalmercaegana.com entregou os seus premios á fidelidade ao comercio local
venres, 18 de xaneiro do 2019
A
campaña-concurso Merca e Gaña polo Nadal da Deputación
de Lugo e a Federación
de Comercio repartiu finalmente 10.000 euros en premios
(cartóns-agasallo) entre 40 veciñas e veciñas da provincia. Como
lembraremos, a nova edición do Merca e Gaña foi unha iniciativa
para visualizar a importancia de reivindicar o comercio local, de
proximidade, e, unha vez máis, desenvolveuse a través das redes,
entre o 6 de decembro e o 6 de xaneiro. Durante estas datas,
incentiváronse as compras no comercio local con material de
promoción nas rúas dos 67 concellos ou en redes sociais co cancelo
#nadalmercaegaña.
Por
outra banda, as persoas que mercasen en calquera dos establecementos
da provincia puideron participar no sorteo de 20 cartóns-agasallo de
300 euros e outros 20 de 200 euros. Para iso, tiveron que fotografar
o tícket da compra e rexistrala en www.nadalmercaegana.com
(ou solicitar o seu rexistro ao comerciante).
Os
premios foron entregados hoxe polo deputado de Relacións
Institucionais, Álvaro Santos Ramos, acompañado pola alcaldesa de
Lugo, Lara Méndez, o presidente da Federación de Comercio, José
María Seijas, o presidente de Lugo Centrum CCA, José Luís Pérez,
o director territorial de Abanca en Lugo, Javier Soto Garrido,
entidades colaboradoras con esta campaña. No acto, tamén se
entregaron os premios do Concurso de Postais de Nadal Vive o Centro.
Santos
Ramos subliñou “o éxito de participación nesta campaña, na que
se rexistraron máis de 31.000 compras, o que amosa o compromiso dos
veciños co comercio de proximidade, un dinamizador social e
económico da provincia”. Segundo engadiu, as compras realizadas ao
abeiro da iniciativa de promoción tiveron un valor estimado de 1,9
millóns de euros, un 18% máis ca o ano pasado, ademais de rexistrar
5.000 usuarios máis”
O
número de premiados por Concello foron: 3 en Mondoñedo, 6 en
Sarria, 2 de Viveiro, 1 de Xove, 3 de Monforte de Lemos, 2 de Rábade,
1 de Chantada, 8 de Lugo, 1 de Burela, 2 de Lourenzá, 4 de Foz, 3 de
Vilalba, 1 de O Vicedo, 1 de Taboada, 1 de Ribadeo e 1 de
Covas-Viveiro.