Movistar Plus+ estrea en xuño a segunda tempada da serie galega Rapa
xoves, 30 de marzo do 2023
Este 28 de marzo celebrouse a presentación do primeiro episodio da
segunda tempada da serie
galega Rapa
no marco da VI edición do Festival
Crossover Cultura de Series en Donostia. Será no mes
de xuño cando chegue á plataforma de streaming Movistar Plus+
a segunda tempada do thriller policÃaco con guión dos
galegos Pepe Coira e Fran Araújo. No encontro participaron os
actores protagonistas Javier Cámara e Mónica López, acompañados
dos produtores executivos Susana Ferreiras (Movistar Plus+) e Alfonso
Blanco (Portocabo).
Onda Javier Cámara e Mónica López, completan o reparto de Rapa,
entre outros: Carlos Blanco, Federico Pérez Rey, Evaristo Calvo,
Melania Cruz, DarÃo Loureiro, Iolanda MuÃños, Chisco Amado, Adrián
RÃos, Lara Boedo e Fran Lareu.
A trama dos novos episodios leva a Maite e a Tomás a Ferrol, lugar
no que dous casos sen resolver volverán unilos. Ela introducirase no
Arsenal, un mundo hermético rexido por unhas normas moi estritas,
onde desapareceu unha oficial. El empeñarase en resolver un caso de
asasinato que está a piques de prescribir logo de 20 anos.
Rapa converteuse coa súa primeira entrega na mellor estrea de
ficción da pasada tempada en Movistar Plus+. O proxecto conta co
apoio do Hub Audiovisual da Xunta financiado polo Fondo Europeo de
Desenvolvemento Rexional (FEDER) dentro do Eixo REACT-UE.
Alén disto, confirmouse o novo proxecto de Movistar Plus+ coproducido
xunto a Portocabo: a miniserie Garbo, creada polo mesmo equipo
creativo de Rapa e Hierro: Pepe Coira, Fran Araújo e
Jorge Coira. Contará a historia real de Juan Pujol, un axente dobre
español que foi clave para que os aliados gañasen a II Guerra
Mundial.
Este thriller policÃaco creado por Pepe Coira e Fran Araújo, cuxo
rodaxe finalizou en decembro, conta nesta segunda tempada con Rafa
Montesinos e Marta Pahissa na dirección.
A segunda tempada de seis episodios chegará á plataforma en xuño.