Monitor USB de 15,6 polgadas de Green House

Conectar un monitor secundario, especialmente en ordenadores portátiles de tamaño reducido, en casos moi concretos pode ser un problema por carecer de conexións externas axeitadas, de aí que Green House incorporase ao seu catálogo o monitor GH-USB16K, que cunha pantalla de 15,6 polgadas cunha resolución de 1.366 x 768 píxeles, un contraste de 400:1, un brillo de 220 cd/m² e un tempo de resposta de 16 milisegundos destaca por poder conectarse ao PC mediante un porto USB. Como vantaxe adicional estaría a posibilidade de que poderiamos conectar ata 6 monitores deste tipo a un mesmo equipo (sempre que teñamos a potencia suficiente, de xeito que cun procesador Intel Core Duo a 1,8 GHz e con 1 Gb de RAM xa sería posible controlar o maior número de monitores externos USB posible).
Este monitor é compatible con Windows 7/vista/XP/2000 e Mac OS X 10.4.11 (e superior), mide 344,2 x 193,5 milímetros, pesa 12 quilos e chegará ás tendas niponas a primeiros do mes que vén a un prezo de 17.800 iens (160,37 euros).