Microsoft adianta novidades que introducirá a vindeira grande actualización de Windows 10
xoves, 11 de maio do 2017
Microsoft continua a presentar novidade na conferencia para
desenvolvedores Build 2017, e na
súa segunda xornada aproveitaron para adiantar detalles da actualización de Windows
10 que chegará no outono e que coñecerase como Fall Creators Update, para
deixar claro que continuará na mesma liña da actualización que recibimos hai
poucas semanas. O sistema operativo contará cun novo deseño, facilitará que as
experiencias creativas acompañen ao usuario a través de Windows, iOS e Android,
contará con aplicacións na tenda de Windows tan significativas como o iTunes de
Apple e estreará un sistema de control por movemento para a realidade mixta que
non precisará de marcadores para funcionar.
Con Microsoft Fluent Design System ofrecerase unha nova experiencia fluÃda
entre dispositivos, axudando aos desenvolvedores que creen aplicacións máis
atractivas que funcionan nunha grande variedade de dispositivos. Tamén
contaremos con interesantes novidades como gozar dun portapapeis entre os
distintos dispositivos (ou sexa, que poderemos copiar no escritorio e pegar no
teléfono) e o sistema de almacenamento na nube de Microsoft (OneDrive) estreará funcionalidade Files on Demand (de xeito que permitirá
o acceso aos ficheiros na nube sen descargalos e utilizar o espazo no
dispositivo).
Nos últimos anos tamén desapareceu de Windows o seu editor de pelÃculas
(Windows Movie Maker) e na vindeira actualización volverá como unha ferramenta
moi diferente: Windows Story Remix. Trátase dunha aplicación que facilitará a
creación de historias nas que non só poderemos introducir fotografÃas e vÃdeos,
senón que tamén poderá facerse uso da realidade mixta engadindo obxectos 3D ou
facendo uso de Windows Ink, ou sexa, que teremos un editor de vÃdeo
revolucionario que achegará un novo xeito de contar historias.
VÃdeo no que adiantan as funcionalidades de Windows Story Remix