Micrófono espía baseado na telefonía móbil

martes, 28 de abril do 2009 Marcus Fernández

Para quen non teña suficiente coa gravata que inclúe unha cámara espía de Thanko, dende Brando tamén venden un dispositivo que pode operar a xeito de micrófono oculto valéndose da rede de telefonía móbil.
O Tiny SIM Card Spy Ear é un dispositivo de 1,5 x 3 x 4 centímetros e 33 gramos de peso no que podemos introducir unha tarxeta SIM para funcionar, e que na práctica vén a ser algo semellante a un móbil con mans libres, pero sen auricular/altofalante, ou sexa, que cando alguén chama ao seu número de teléfono, descolgarase automaticamente, e así poderemos escoitar o que se oe ao seu redor alí onde estea agochado.
Este trebello non é nada revolucionario (os micrófonos espía caseiros empregan este concepto dende hai tempo) pero achega esta posibilidade ao público xeral, pois está á venda por só 65 dólares (49,98 euros).
O dispositivo conta cunha fenda para introducir unha tarxeta SIM, e tamén cun porto USB para cargar a súa batería interna.

PUBLICIDADE