Medra o uso do software libre nas microempresas galegas
xoves, 9 de maio do 2019
Seis de cada dez
microempresas galegas emprega software libre, experimentando un aumento do
10,3% no último ano, segundo datos recollidos nos dous estudos sobre o uso
de software libre nas empresas e nas
empresas informáticas de Galicia no ano 2018, publicados hoxe polo OSIMGA.
No caso das empresas
de 10 ou máis empregados, a porcentaxe supera o 87%, por riba da media española,
o que sitúa a Galicia no quinto posto da comparativa por Comunidades Autónomas,
por diante de Madrid, Cataluña ou PaÃs Vasco. No caso concreto do sector TIC
galego o uso do software libre xa acada o 89,7%.
As aplicacións libres con maior implantación
nas empresas galegas seguen a ser os navegadores de Internet e as aplicacións
ofimáticas libres. Non obstante, o maior incremento produciuse nas aplicacións
relacionadas co software de seguridade, plataformas de aprendizaxe ou
servidores de correo electrónico.
O
uso do software de seguridade, plataformas de aprendizaxe, servidores de correo
electrónico libres medrou tanto en microempresas (27,1%) como en empresas de 10
ou máis traballadores con actividade en Galicia (41,2%), ocupando o segundo
posto na comparativa por Comunidades Autónomas.
O sector servizos confÃrmase como o que máis
uso realiza do software libre, independentemente do tamaño das empresas. Nas
microempresas o uso de aplicacións libres supera o 64% das entidades e nas
empresas de 10 ou máis empregados sitúase por riba do 90%.