Marvel achegaranos en breve un runner cos personaxes de Los Vengadores
luns, 14 de outubro do 2013
A pasada fin de semana Marvel anunciou que o seu xogo Marvel Run Jump Smash!, de grande éxito
en Corea do Sur, chegará
en breve ás principais plataformas móbiles en todo o mundo, de xeito que
poderemos gozar deste runner sen fin que
permitirá manexar a personaxes como Hulk, Iron Man, o Capitán América ou Maria
Hill, sacados do filme de Los Vengadores
pero presentados nunha versión caricaturizada.
Este xogo parece replicar directamente a fórmula do célebre Jetpack Joyride, agardándose que
adopte a súa mesma fórmula comercial: o xogo poderá descargarse de balde, pero
será posible desbloquear elementos do mesmo mediante cartos reais.
Aparte dos personaxes iniciais, espérase
que nunha actualización posterior se incorpore Thor a este xogo que vai
contar con versións para iOS, Android, Windows Phone e Windows 8.
Trailer de Marvel Run Jump Smash!