Mar Pereira inaugurou as xornadas da UVigo sobre o talento feminino no ámbito tecnolóxico
xoves, 10 de marzo do 2022
A directora da Axencia para a Modernización Tecnolóxica de Galicia,
Mar Pereira, destacou este mércores 9 de marzo, o escenario de
oportunidades laborais no ámbito da ciberseguridade para os
vindeiros anos. Xunto con Manuel Reigosa, reitor da UVigo, Mar
Pereira participou na inauguración da xornada sobre Mulleres e
ciberseguridade, da que informamos
este mércores en Código Cero salientando que contou con debates
de diferentes personalidades no eido da seguridade da información,
ciberseguridade e protección de datos.
A directora da AMTEGA lembrou que en Galicia, soamente o 5,05% das
empresas que dispoñen de perfÃs tecnolóxicos contan con persoas
empregadas especializadas en ciberseguridade. Tamén engadiu que o
número de mulleres neste campo e o a oferta deste traballo, subiron
e subirán significativamente nos próximos anos. A Xunta aproveitará
a creación do Centro de Excelencia en Ciberseguridade de Galicia,
para avanzar na equidade de xénero e fomentar a atracción de
talento feminino neste ámbito. A construción deste centro contará
cun investimento de 3,5 millóns de euros, que representan case un
20% dos 18 millóns que a Xunta destinará a iniciativas de
ciberseguridade e resposta ante novas amezas. Mar Pereira tamén
anunciou xornadas informativas sobre ciberseguridade os dÃas 21 e 22
de abril para persoas que cursen o último ano da ESO.
A Axencia para a Modernización Tecnolóxica de Galicia ten en marcha
outras iniciativas entre as que se atopan o programa Ciberseguridade
Kids, con contacontos divulgativos; GirlsSteam, un programa de
obradoiros de experimentación tecnolóxica sobre o papel da muller
nos sectores tecnolóxicos, e o apoio a unha campaña da Xunta con
moitas máis actividades.
