Mando para a Xbox 360 con compoñentes de máquina recreativa
martes, 27 de xaneiro do 2009
Os lanzamentos de
videoxogos de loita provocan habitualmente a chegada ao mercado de novos
controladores de xogos que imitan os mandos das máquinas creativas nas que
cobraran éxito este tipo de xogos que son difÃciles de controlar con precisión
cos gamepads que veñen de serie coas consolas, xa que os movementos que hai que
executar para lanzar ataques especiais están optimizados para mandos dixitais,
mentres que na actualidade as consolas están pensadas para controis analóxicos
(e as crucetas dixitais teñen un tamaño e unha colocación pouco cómodas).
O fabricante máis importante de mandos que emulan ás recreativas é a nipona
Hori, que vén de presentar o seu HORI
Real Arcade Pro EX SE, unha edición especial do seu Real Arcade Pro
EX que se distingue esteticamente por contar cunha base de cor branca (en vez
de negra) e por estar fabricado
con compoñentes de Seimitsu, ou sexa, de máquinas recreativas reais,
o que é toda unha garantÃa de calidade (e indicarÃa que poden soportar o uso
intensivo que normalmente reciben en xogos de loita).
Esta edición especial do mando incrementará o seu prezo de 12.000 a 13.500 iens
(114,75 euros), e polo momento non está dispoñible fóra do Xapón, onde xa se
vende a versión normal do mando (tamén cunha calidade
impresionante).
O mando de Hori mide 412 x 243 x 135 milÃmetros e pesa 2,6 quilogramos, polo
que presenta unha aparencia e comportamento idéntico ao dun mando de máquina
recreativa, o que agradecerán os nostálxicos dunha plataforma de xogo
practicamente extinguida en Europa e EE.UU. (pese a que no Xapón goza dunha boa
saúde).