Lumia 430, o novo smartphone económico de Microsoft

Microsoft continúa coa súa estratexia de non lanzar ningún smartphone insignia até a presentación de Windows 10, de xeito que limítase a fornecer o seu catálogo de teléfonos con terminais de baixa gama, conseguindo reducir cada vez máis a barreira de entrada para este tipo de dispositivos, xa que o novo Lumia 430 será o dispositivos da familia Lumia máis barato até o momento ao chegar a un prezo que estará no contorno dos 70 dólares (antes de impostos).
O Lumia 430 é un smartphone con soporte para dobre SIM que funciona con Windows Phone 8.1 e que poderá actualizarse este ano a Windows 10, e pese a ser un smartphone básico, permite realizar videoconferencias con Skype (desta volta Microsoft non elimina a cámara frontal da súa gama baixa).
As prestacións deste terminal son bastante completas para o seu prezo, pois falamos dun móbil con pantalla de 4 polgadas cunha resolución de 800 x 480 píxeles, procesador Qualcomm Snapdragon 200 de dobre núcleo a 1,2 GHz, 1 GB de RAM, 8 GB de almacenamento ampliable mediante tarxetas microSD de até 128 GB e incluíndo 15 GB de almacenamento adicional en OneDrive, cámaras de 2 e 0,3 Mpíxeles, Wi-Fi N, Bluetooth 4.0, un grosor de 10,63 milímetros e un peso de 127,9 gramos. Sairá á venda en abril con carcasa negra ou laranxa brillante.