Lost Sphear recupera o espírito dos JRPG dos anos 90

Hoxe chega ás tendas con versións para PlayStation 4, Nintendo Switch e PC (Steam) o xogo Lost Sphear, un proxecto de Tokyo RPG Factory (responsables de I am Setsuna) para Square Enix, que busca atraer aos seareiros dos xogos de rol xaponeses dos anos 90 como Final Fantasy¸Chrono Trigger ou Secret of Mana, cos seus combates por quendas, personaxes carismáticos, historia melancólica, deseños pintados a man e música de piano.
Este xogo que pretende dar un novo xiro á xogabilidade de rol clásica, presenta a un mozo chamado Kanata que esperta nun lugar remoto, Elgarthe, para descubrir que a súa cidade está a desaparecer. Terá que espetar o poder dos recordos e recuperar o que se perdeu na súa loita contra unha terrible forza que pon en perigo o tecido mesmo da realidade, e para o que tamén contará coa axuda dos seus compañeiros.