LittleBigPlanet podería ser o principal lanzamento para PS3 en 2008
mércores, 27 de febreiro do 2008
Un dos títulos máis agardados para PlayStation 3 é o xogo de Media Molecule LittleBigPlanet, que se
agardaba que se puidese adquirir a través da PlayStation Store, finalmente sairá
en setembro para Blu-ray, ou sexa, nas tendas físicas, o que confirma a intención
de que se converta no «meirande lanzamento para Blu-ray en 2008» segundo un
voceiro de Sony.
Nick Robinson, director de produto de Sony Computer Entertainment Europe,
confirmou esta información e engadiu que o xogo terá un modo historia offline moi
consistente para que a súa compra en formato físico estea xustificada, aínda
que este xogo de plataformas con gráficos de biscoito destaca
especialmente polo seu potencial para a creación de escenarios por parte do
xogador, que se poderán compartir con outros usuarios da PS3.
