LaCie Little Big Disk chega con tecnoloxía Thunderbolt

venres, 25 de febreiro do 2011 Marcus Fernández

A estrea da tecnoloxía Thunderbolt por parte dos novos MacBook Pro vén acompañada por produtos coma o sistema RAID de discos Promise Pegasus e o disco duro externo portátil LaCie Little Big Disk, que promete converterse nun complemento ideal para os últimos portátiles de Apple ao combinar nun tamaño moi compacto 2 unidades de estado sólido Intel 510 de 250 Gb configuradas coma RAID 0 para sumar 500 Gb de capacidade e así aproveitar a velocidade que permite Thunderbold (transferencias bidireccionais a 10 Gbps), o que resulta ideal para funcións como a edición de vídeo de alta definición.
O LaCie Little Big Disck só pesa 680 gramos, pode alimentarse directamente a través do porto Thunderbolt e a súa carcasa de aluminio favorece a disipación de calor. Tampouco carece dun segundo conector Thunderbolt para poder conectar trebellos con esta tecnoloxía en serie.

PUBLICIDADE