LG presenta un monitor IPS 4K para gaming

Para os xogadores máis esixentes LG presenta o novo monitor UltraGear (modelo 27GN950), o primeiro monitor gaming IPS 4K cunha velocidade de refresco GTG de 1 milisegundo. Temos así unha pantalla que pode ofrecer imaxes rápidas sen comprometer a calidade de imaxe.
Este impresionante monitor cubre o 98% do espazo de cor DCI-P3 e fai uso da tecnoloxía VESA Display Stream Compression, que ofrece imaxes 4K con cor de 10 bits sen perda a unha velocidade de refresco de 144 Hz a través dun único cable DisplayPort.
No que respecta ao vídeo, este monitor conta con certificación VESA DisplayHDR 600, conseguindo así uns niveis de calidade de imaxe, precisión de cor, contraste dinámico e alta iluminación destacable. Tamén é compatible con nVIDIA G-SYNC, evitando así certos fallos gráficos durante os xogos. Para completar esta magnífica pantalla temos que pode regularse en altura e inclinación.