LG estrea lámpadas LED conectadas
luns, 24 de marzo do 2014
LG Electronics está a iniciar a comercialización en Corea do
Sur das súas lámpadas
intelixentes, que veñen a ser
unhas lámpadas LED de 10 watts (equivalente a unha lámpada incandescente de 60
W) que poden controlarse dende dispositivos con iOS ou Android e que contan con
conectividade Wi-Fi e Bluetooth, o que facilita non só o axuste do seu nivel de
brillo, senón tamén a súa programación, de xeito que podemos empregar a luz
como espertador pola mañá (en vez dun molesto son) ou para simular que hai
xente no domicilio cando estamos de vacacións.
Incluso é posible controlar o seu brillo en función da música que estea a
reproducirse nun móbil con Android 4.3 ou superior, achegando unha ambientación
luminosa moi festeira. AÃnda que para moitos resultará máis práctica a posibilidade
de que as propias lámpadas poidan pestanexar para advertir de que estamos a
recibir unha chamada ao móbil (evitando que perdamos unha chamada por non
escoitar o son do smartphone por telo no peto ou no bolso).
O prezo destas lámpadas é de 35.000 wons (uns 24 euros) que pode chegar a
amortizarse se temos en conta que supoñen un importante aforro de enerxÃa e a
súa vida estimada é duns 10 anos (cunha media de uso de 5 horas diarias).