Kingdom Hearts III visitará o mundo de Monstruos, S.A.

luns, 12 de febreiro do 2018 Marcus Fernández

Este ano Square Enix e Disney farán posible o lanzamento de Kingdom Hearts III para Xbox One e PlayStation 4, xogo no que poderemos visitar numerosos mundos de fantasía moi coñecidos para os amantes da animación entre os que estará Monstruópolis, ou sexa, que Sora, Donald e Goofy visitarán o universo de Monstruos, S.A. para unir forzas con Mike Wazowski e Sulley Sullivan, quen aterrorizarán aos seus inimigos con ataques combinados especiais, segundo puidemos ver no tráiler do xogo estreado esta fin de semana en Tokio.
Adicionalmente tamén desveláronse novas escenas cinemáticas e imaxes da xogabilidade do mundo inspirado en Toy Story, amosouse á princesa Rapunzel de Enredados como membro do equipo, víronse impresionantes transformacións da chave espada, contemplouse un sistema Nexo con Ariel (La Sirenita) e incluso o regreso do onírido Marramaguau, así como dos malvados Marluxia e Vanitas.

Novo tráiler de Kingdom Hearts III

PUBLICIDADE