Jesús Calleja e Adamo visitan o concello gañador do concurso para reivindicar a vida nas vilas e aldeas: Ribadeo
luns, 10 de maio do 2021
Adamo
vén de lanzar nas redes
o vídeo da visita do presentador Jesús Calleja á vila galega de
Ribadeo, con motivo da proclamación do
municipio da Mariña de Lugo como gañador da distinción El
pueblo más amado, que organizou a operadora Adamo para “pór
en valor a vida no ámbito rural”.
O
presentador prometera no seu día desprazarse ao municipio gañador
do devandito curso, no que participaron 1.200 localidades. Calleja,
que é embaixador de Adamo, saudou aos veciños mentres percorría
varios recunchos emblemáticos do concello xunto co alcalde, Fernando
Suárez.
O
resultado disto foi un vídeo con imaxes da localidade para axudar ao
operador na súa campaña para destacar os beneficios de residir en
poboacións de tamaño medio ou pequeno.
Como
lembraremos, grazas a terse imposto no concurso da operadora, o
concello de Ribadeo terá Internet de 1.000 Mbps gratis durante un
ano e os seus habitantes -que sexan novos clientes- disporán de
paquetes de fibra óptica por 1 euro ao mes. A empresa xa proporciona
sinal a 60.000 fogares de Lugo, entre outras poboacións, en Begonte,
Cervo, A Fonsagrada, Celeiro, Barreiros ou Foz.