Instagram fai máis accesible a creación de historias con mencións

Nos últimos meses Instagram incorporou á súa cámara unha opción para facilitar a creación de historias para realizar creacións de texto, felicitar aniversarios, compartir imaxes animadas, lembrar publicacións pasadas, realizar preguntas e programar recordatorios, ás que vén de incorporarse a posibilidade de responder a mencións, algo que podía facerse por outras canles (concretamente a través das mensaxes directas), pero que agora chega a este apartado para facer máis accesible esta forma de crear historias.
A nova opción ten como símbolo unha arroba (@) e só aparece se a nosa conta recibiu mencións públicas en historias nas últimas horas, permitindo elixir entre as distintas mencións recibidas, sendo unha opción moi práctica para contas que promoven o contido xerado polos usuarios.