Injustice: Gods Among Us estréase como xogo Free-to-Play para iOS

O xogo adopta a mecánica de títulos como Infinity Blade

Adiantándose un par de semanas ao lanzamento para consolas domésticas o xogo Injustice: Entre nosotros hay dioses, chega á App Store como título de loita Free-to-Play un xogo co mesmo título que achega a posibilidade de enfrontar a numerosos personaxes do Universo DC (Batman, Superman, Wonder Woman, Flash, Green Lantern, Green Arrow, Cyborg, Harley Quinn, Nightwing, Flash...) en arenas de combate que podemos gozar no iPhone ou no iPad.

O xogo permite pagamentos dentro da propia aplicación

Este novo título de balde presenta uns gráficos moi detallados, animacións personalizadas para cada heroe e vilán, escenarios tridimensionais recoñecibles, personaxes que poden subir de nivel, obxectos desbloqueables e a posibilidade de engadir obxectos no xogo que poden adquirirse con cartos reais.
O xogo toma mecánicas de títulos como Infinity Blade e Avengers Initiative, pero engadindo factores que insten ao xogador a pagar para eliminar limitacións, posto que nesta ocasión optouse por non cobrar pola súa descarga, na liña do que fixo Real Racing 3 (fórmula que non convence a todos os xogadores, pero quedando sempre na man do usuario a decisión de se pasar ou non por caixa para gozar do xogo dun xeito máis completo).

Trailer da versión móbil de Injustice: God Among Us