Impulso aos viveiros de Barro e Lalín cunha nova web e accións innovadoras
venres, 11 de outubro do 2019
A
Deputación
de Pontevedra vai impulsar este mes de outubro novas iniciativas
tecnolóxicas para dar novos azos aos viveiros empresariais de Barro
e Lalín. Entre esas actividades figuran a actualización da web
dos viveiros, a posta en marcha dos programas Viveiro
Co-creador: creando comunidade (que se desenvolverá no viveiro
de Barro), e PorcoLab e Emprender chanzo a chanzo: idea,
reflexiona e define (que
terán lugar no viveiro de Lalín).
Respecto
da web dos viveiros da Deputación,
vén de ser obxecto dunha importante actualización, coa finalidade de
“facela accesíbel a todos os dispositivos”, así como convertela
nun espazo máis moderno e claro. A través dela, sinala a
Deputación, pódese consultar información dos espazos e servizos,
requisitos de acceso e contacto, e información sobre empresas que
forman parte dos viveiros e as actividades que se desenvolven neles.
Ademais
da renovación da web, este mes de outubro terá lugar no viveiro de
Barro o programa Viveiro Co-Creador: creando comunidade. Neste
eido, a cita terá lugar este xoves 10 de outubro, de 11.00 a 13.30
horas, e consistirá nun punto de encontro e coñecemento a través
de dinámicas colaborativas entre as persoas beneficiadas polo
viveiro. Deste xeito, a través da formación, poderán reflexionar,
debater, discrepar, acordar e crear de xeito individual e grupal.
No
caso do viveiro de Lalín, poranse en marcha dúas iniciativas. A
primeira delas, PorcoLab: laboratorio de emprendemento social,
será os días 15, 22 e 29 de outubro, entre as 11 e as 14 horas, e
trátase “dun programa formativo, experiencial e innovador”
dirixido a entidades e colectivos sociais das comarcas de Deza e
Terra de Montes. O principal obxectivo de PorcoLab, que emprega
metodoloxías de traballo como Design Thinking, Lego Serious Play
ou Lean Startup, é traballar conxuntamente con outras
entidades e/ou persoas para detectar e mostrar necesidades reais do
territorio e procurar solucións ás mesmas.
Finalmente,
e tamén no viveiro de Lalín, celebrarase Emprender chanzo a
chanzo: Idea, reflexiona e define, co obxectivo de facilitar ao
alumnado de ciclos formativos ferramentas relacionadas coa súa
visión e iniciativa emprendedora. Esta actividade desenvolverase o
17 de outubro e nela participará alumnado do IES Pintor Laxeiro
(Silleda) e IES Ramón María Aller (Lalín).