Hyrule Warriors poderá mercarse cunha bufanda exclusiva
martes, 5 de agosto do 2014
Nas últimas horas publicouse un novo
Nintendo Direct dedicado en exclusiva ao xogo Hyrule Warriors, que chegará ás tendas de videoxogos europeas a
partires do 19 de setembro, destacando por que, aparte da súa edición estándar,
en certos establecementos adheridos á promoción contará cunha edición limitada
que incluirá
unha bufanda de coleccionista (en contraste co reloxo
que recibirán os compradores xaponeses).
Este xogo herda a mecánica dos populares Dynasty
Warriors pero cos personaxes de The
Legend of Zelda, entre os que non falta o rei demo Ganondorf (que contará
cos traxes desbloqueables de Twilight
Princess e Ocarina of Time de
rexistrar o xogo no Club Nintendo antes do 17 de outubro). Outros malvados
que tamén serán xogables en Hyrule
Warriors serán Zant e Ghirahim, mentres que entre os heroes teremos a Link,
a princesa Zelda, Impa, Midna, Sheik, Agitha, Darunia, a princesa Ruto, Fi e
Lana.
Nintendo Direct dedicado a Hyrule Warriors