Huawei preparase para 2019 cun novo Y7 Pro

luns, 31 de decembro do 2018 Marcus Fernández

A poucos días do anuncio do Huawei P Smart temos que en Vietnam Huawei xa amosa na súa páxina web o Huawei Y7 Pro 2019, un teléfono gama de entrada cunha pantalla IPS de 6,26 polgadas cunha resolución de 1.520 x 720 píxeles, procesador Qualcomm Snapdragon 450 de 8 núcleos, 3 GB de RAM, 32 GB de almacenamento (ampliable mediante tarxetas microSD de até 512 GB), cámara traseira dual de 13 + 2 Mpíxeles (con apertura f/1.8), cámara frontal de 16 Mpíxeles, Bluetooth 4.2, Wi-Fi N e batería de 4.000 mAh con carga rápida, que prescinde do lector traseiro de pegadas dixitais ao contar cun sistema de desbloqueo facial.
Pese a estarmos ante un dispositivo económico, adopta as tendencias dos últimos smartphones, e chega cunha pestana superior reducida, deixando claro que estamos ante un teléfono pensado en seguir as tendencias imperantes. O seu prezo de venda é de 3.990.000 dongs (150 euros) deixando claro que vai ser un dos supervendas dos vindeiros meses polo seu prezo tan axustado.

PUBLICIDADE