Honor copia o iPhone Air mellorando os seus puntos máis febles

O feito de que o iPhone Air sexa un dos grandes fracasos de Apple en 2025 non impide que os fabricantes chineses ousen seguir os seus pasos e incluso copien descaradamente o seu deseño, aínda que suplindo certas carencias, como é o caso do novo Honor Magic8 Pro Air, que vén de saír á venda en China.
O novo smartphone de Honor presume dun grosor de 6,1 milímetros e un peso de 155 gramos, un potente procesador MediaTek Dimensity 9500, pantalla OLED de 6,31 polgadas, cámara frontal de 50 Mpíxeles, Wi-Fi 7, NFC, resistencia IP69 e, como detalles que fan deixan en mal lugar a Apple estaría que conta cunha batería de 5.500 mAh con carga de 80 watts por cable e 50 watts sen fíos e na súa parte traseira está equipado cunha cámara traseira principal de 50 Mpíxeles, un ultra grande angular de 50 Mpíxeles e un teleobxectivo periscópico de 64 Mpíxeles.
Temos como un deseño fino non impide ter unha boa capacidade de batería e unha cámara traseira tripla, podendo adquirirse con 12/16 GB de RAM e entre 256 GB e 1 TB de almacenamento por un prezo de partida de 4.999 iuans (616 euros). Tamén cómpre salientar que o dispositivo véndese en catro cores (branco, negro, púrpura e laranxa), sendo especialmente rechamante esta última cor, por ser a que estreaba o iPhone 17 Pro Max, deixando así claro que non agochan a súa intención de imitar a Apple.