Halo Wars terá unha edición de coleccionista

Microsoft Game Studios e Ensemble Studios anuncian que o xogo de estratexia Halo Wars chegará en febreiro nunha edición estándar e tamén nunha de coleccionista da que deron detalles: incluirá o xogo, 6 tarxetas, a novela gráfica Halo Wars: Genesis (de Phil Noto, Graeme Devine e Eric Nylund), 3 novos mapas multixogador para o Halo 3 (Assembly, Oribital e Sandbox), 1 vehículo e o parche Spirit of Fire.
A versión básica venderase nos EE.UU. a 59,99 dólares, mentres que a edición limitada custará 79,99 dólares, sendo unha interesante achega para a Xbox 360, que pretenderá demostrar que o xénero de estratexia que tanto éxito ten no PC se pode trasladar con fortuna ás consolas de nova xeración.