Goat Simulator chega a Mac e Linux
luns, 30 de xuño do 2014
O tolo
xogo Goat Simulator parece non querer
quedar como unha simple broma, e tras estrear a súa
versión para PC hai tres meses (coincidindo coa celebración do Primeiro de
Abril) continúa a buscar novos mares nos que faenar, e bota
agora as súas redes en dúas novas plataformas: Linux e OS X. Deste xeito, os
usuarios de ordenadores persoais que non funcionen con Windows tamén poderán
facerse con este xogo a través de Steam.
Estamos ante a primeira versión destas novas versións, polo que é de agardar
que presenten bastantes erros (como tamén fixo a primeira versión para Windows)
pero, curiosamente, dentro deste tipo de xogo os fallos poden verse como parte
da diversión.
O xogo de Coffee Stain Studios non vai quedar aÃ, e tras o seu paso polas
tendas descargables, prepara agora a súa distribución en tendas fÃsicas de
EE.UU. a un prezo de 9,99 dólares e incluso abriron unha tenda en liña de
mercadotecnia sobre o xogo, onde os seareiros do mesmo poden adquirir
camisetas, cuncas, fundas para móbiles... inspiradas no simulador de cabra que
está a causar furor internacionalmente.
- Xas podemos mercar na tenda en liña de produtos inspirados no Goat Simulator