Facebook adianta numerosas novidades para abrir o encontro F8
mércores, 2 de maio do 2018
O encontro de desenvolvedores de Facebook, o F8, comezou onte
en San José, onde o propio Mark Zuckerberg fixo numerosos anuncios de
novidades para os seus produtos e servizos, aÃnda que foi preciso que comezase
a súa intervención reiterando as súas desculpas polo desleixo na seguridade da
súa plataforma e prometendo ser máis coidadosos cos datos dos usuarios no futuro.
Nesta liña temos precisamente que unha das grandes novidades que ofrecerá
Facebook será a posibilidade de borrar o noso historial. Esta funcionalidade
permitiranos ver as páxinas web e aplicacións que remiten información a
Facebook, permitindo o seu borrado e podendo rexeitar o seu almacenamento
asociado á nosa conta de usuario.
Como contraste, estenden o uso das relacións interpersoais a un novo eido, de
xeito que Facebook entrará no mercado das aplicacións de citas, aÃnda que
destacando que tratarase de funcións para fomentar o establecemento de novas
relacións serias e non relacións esporádicas. Esta novidade buscará perfÃs
afÃns en funcións das preferencias que indiquemos e tamén facilitará o
descubrimento doutras persoas a través de grupos e eventos comúns. Esta
actividade estará deparada do uso normal de Facebook (ou sexa, que a actividade
non se compartirá cos amigos).
Continuando na liña dos cambios das principais aplicacións móbiles de Facebook,
poténcianse unha ver máis as historias, e desta volta facilitarase que as aplicacións
poidan compartir a nosa actividade nas mesmas a través deste formato de
moda, o que tradúcese inicialmente en
que, cando esteamos a escoitar unha canción en Spotify, poderemos premer a
opción de compartir para amosala aos nosos seareiros a través de historias de
Facebook e Instagram.
Outras novidades que terá Instagram será o uso de efectos de realidade
aumentada na súa cámara (que poderán ser deseñados por terceiros), mellorarase
a opción de explorar e, como grande novidade, será posible realizar conversas
en vÃdeo a través de Instagram Direct, tanto cunha única persoa como en grupo. Estas
conversas grupais en vÃdeo tamén chegarán nos vindeiros meses a WhatsApp, aplicación
móbil que está a ultimar a incorporación de adhesivos.
E no que ao Messenger se refire, temos que a súa cámara integrará elementos de
realidade aumentada (de xeito que as marcas poderán permitirnos integrar os
seus produtos virtualmente no noso contorno) e o Marketplace poderá gozar de tradución
automática (inicialmente entre o inglés e o español).