Este outono teremos un novo xogo ambientado no universo de Kong

7Levels e Legendary están a anunciar Kong: Survivor Instinct, un novo xogo de acción 2.5D ambientado tras os acontecementos no filme Godzilla vs. Kong, que contará con versións para PC, PlayStation 5 e Xbox Series X|S, e que sorprende especialmente polo feito de que o título vaia lanzarse xa este outono.
Este novo xogo ambientado no Monsterverso presenta mecánicas de metroidvania e presenta a David, un home que traballa nunha plataforma petrolífera, e que se ten que abrir camiño nun territorio esnaquizado por un ataque de titáns para atopar á súa filla Stacy.
Nesta aventura haberá que explorar, sobrevivir a encontros con Kong, enfrontarse ao poder de Abaddon e a outras subespecies de titáns, mentres se buscan recursos en edificios medio derruídos e se evitan as intimidacións do grupo de mercenarios coñecido como as Hienas (liderado por Alan Jonah).
Para facernos unha idea do que será este título podemos ver o seu tráiler de presentación: