En abril chegará ao mercado o Samsung Galaxy S Plus

xoves, 31 de marzo do 2011 Marcus Fernández

O Samsung Galaxy S está a converterse en todo un referente de mercado no que a móbiles con Android se refire, e á espera do Galaxy S II, vemos como o Galaxy S chega ao mercado en distintos sabores (como o feito de comercializarse con pantalla SuperAMOLED ou SLCD segundo o mercado) e agora aparece unha nova variedade, o Samsung Galaxy S Plus, que ten pantalla de 4 polgadas SuperAMOLED, 8 Gb de memoria interna, procesador a 1,4 GHz (aínda que non de dobre núcleo coma o seu sucesor), batería de 1.650 mAh (fronte aos 1.500 mAh do modelo orixinal) e unha parte traseira metálica (fuxindo do acabado de plástico de modelos anteriores).
Este novo terminal chegará ao mercado ruso a finais de abril a un prezo de 23.990 rublos (595,71 euros) e co sistema operativo Android 2.3 pre-cargado, descoñecéndose os detalles da súa distribución europea.

PUBLICIDADE