Educación de Teo convoca un curso de alfabetización dixital para familias
luns, 28 de setembro do 2020
A
Concellaría de Educación do Concello de Teo comeza o outono coa
vista posta na alfabetización dixital e no traballo para eliminar
barreiras tecnolóxicas, un desafío de especial urxencia toda vez
que a crise sanitaria lévanos, máis ca nunca, a comunicarnos,
formarnos e traballar online. Ao fío deste obxectivo, a
Concellería organiza unha iniciativa de alfabetización e
capacitación TIC dirixida ao colectivo de pais e nais do alumnado
local.
Trátase
do curso de Desenvolvemento de Destrezas Dixitais, unha acción que
busca equipar aos pais, nais e titores dos recursos precisos para
afrontar todo tipo de operacións e trámites relacionados coas novas
tecnoloxías e a educación; como por exemplo revisar as plataformas
educativas (Edixgal, Google Classroom, Aula Planeta), repasar nocións
sobre o correo electrónico, os procesadores de texto, os buscadores,
Google Drive, a Wikipedia... “Con todo isto”, explica o Concello,
“pretendemos, mellorar e/ou ampliar os seus coñecementos
tecnolóxicos e así poder colaborar/supervisar o traballo dos seus
fillos e fillas e en previsión de que debido ao desenvolvemento da
pandemia, se realicen algunhas clases online”.
A
actividade, que é de balde, consiste nun curso de 8 horas de
duración dividido en tres días e realizarase en sete quendas entre
o 26 de setembro e o 16 de outubro. Realizarase na Aula da Casa Común
de Oza. Para dar cabida ao maior número de participantes, ofrécese
un horario variado, abranguendo sesións de mañá, tarde e sábados.
Pódese escoller entre as quendas de mañá, de tarde e de sábado.
Para
formalizar a inscrición nesta actividade, as persoas interesadas
deben cubrir a ficha de inscrición e presentala no Rexistro do
Concello. Pódese chamar ao teléfono 881 957 534 ou enviar un correo
ao enderezo electrónico educacion@teo.gal.
O
curso, que será impartido por profesionais expertos do sector, vaise
desenvolver baixo estritos protocolos de seguridade sanitaria; só
haberá 10 prazas dispoñíbeis en cada quenda, co fin de asegurar a
distancia entre os asistentes, e será obrigatorio levar máscaras (
cirúrxica ou FFP2), lavar as mans co xel hidroalcólico disposto á
entrada da Aula da Casa Común de Oza.