Double Dragon II estrea remake para Xbox 360

venres, 5 de abril do 2013 Marcus Fernández

Hai preto de dous anos anunciouse que o xogo Double Dragon II: The Revenge, lanzado en 1989 para a meirande parte das plataformas da época, ía contar cun remake para Xbox 360, e hoxe convértese nunha realidade, estreándose no Bazar de Xbox LIVE Arcade como Double Dragon II: the Wander of Dragons a un prezo de 800 Microsoft Points (9,6 euros). Este beat’em up desenvolvido polo estudio coreano Gravity permite xogar a 1 ou 2 xogadores fóra de liña e recupera os vello xogo dos irmáns Billy e Jimmy Lee, pero cuns gráficos totalmente renovados, incorporando algunhas novidades, como un novo nivel, algún inimigo e incluso renovando o vestiario dos personaxes, fuxindo da estética dos anos 80.
Este xogo chega á Xbox 360 cun retraso notable (de ano e medio), pero tamén a un prezo inferior ao previsto inicialmente, pero de seguro que saberá aproveitar a forza que a nostalxia xoga entre os incondicionais deste tipo de títulos que hai máis de dúas décadas causaban furor nos salóns recreativos.

O xogo goza duns gráficos totalmente renovados

PUBLICIDADE