Dodro, Rianxo, Padrón e Rois melloran a empregabilidade de cen persoas con formación TIC
martes, 28 de xuño do 2022
O
Programa Integrado de Emprego dos Concellos de Dodro e Rianxo
(2021/2022), financiado pola Consellería de Promoción do Emprego e
Igualdade e o Servizo Público de Emprego Estatal (SEPE), segue o seu
curso dende que fora presentado no mes de febreiro en Padrón. Está
dirixido a 100 persoas desempregadas do ámbito territorial
comprendido polos concellos de Padrón, Rois, Dodro e Rianxo,
inscritas como demandantes de emprego no Servizo Público de Emprego
de Galicia, e ten como finalidade “a mellora da empregabilidade
dos/as beneficiarios/as a través da realización dun conxunto de
accións para facilitar a súa inserción no mercado laboral”. Un
dos puntos básicos do programa é a capacitación
tecnolóxico-dixital das persoas participantes coa finalidade de
mellorar as súas opcións de atopar un posto de traballo.
Ademais
das entrevistas individuais de orientación e asesoramento laboral
que se están a facer todos os días, nunha primeira fase
realizáronse as seguintes accións formativas co obxectivo de
mellorar a
empregabilidade dos
usuarios:
-Manipulador de
alimentos (10 horas) en Padrón.
-Prevención de
riscos laborais (30 horas) en Padrón.
-Alfabetización
informática e Internet (25 horas) en Rianxo.
-Busca activa de
emprego mediante o uso das novas tecnoloxías (10 horas) en Rianxo.
En datas recentes
executáronse os seguintes cursos en modalidade de teleformación:
-Cociña sa (35
horas).
-Servizos básicos
de barra e restauración (40 horas).
A semana pasada
remataron dous cursos:
-Agricultura
ecolóxica (30 horas) en Dodro.
-Manexo de
carretilla elevadora (30 horas) en Rianxo.
