Disco duro de 2,5 polgadas de 1 Tb de capacidade

luns, 27 de xullo do 2009 Marcus Fernández

A capacidade de almacenamento dos ordenadores portátiles vai verse incrementado considerablemente grazas aos novos discos duros que pon Western Digital no mercado, xa que actualizou a súa gama de discos duros de 2,5 polgadas Scorpio Blue para acoller a un modelo de 1 Tb de capacidade, que sería o primeiro do mercado en chegar a este tamaño.
O novo disco duro SATA vai a 5.200 revolucións por minuto, acada unha velocidade de transferencia de 3 Gbps, mide 12,5 x 100,2 x 69,85 milímetros e pesa 117 gramos. Tamén incorpora a tecnoloxía WhisperDrive para reducir o ruído da unidade, ShockGuard e SecurePark para protexer o disco ante golpes e caídas.
O prezo recomendado do disco duro WD Scorpio Blue de 1 Tb é de 249,99 dólares (174,89 euros) nos EE.UU.

PUBLICIDADE