Diablo III estréase esta noite a nivel mundial
luns, 14 de maio do 2012
Tras unha longa espera, ao pasar as 12 da noite chegará
oficialmente o xogo Diablo III,
lanzamento que celebrarase
de xeito moi especial en numerosas localidades entre as que se atopa Santiago
de Compostela, onde abrirá a tenda de GameStop sita na rúa San Pedro de
Mezonzo para atender aos máis impacientes que non queiran agardar á mañá para
levar unha copia fÃsica deste xogo a casa e pode comezar a batalla por
Santuario.
Pero como aÃnda quedan moitos xogadores habituais que non viviron no seu dÃa o
fenómeno de Diablo (a anterior
entrega chegou ao mercado hai 12 anos), dende
Blizzard van permitir gozar deste tÃtulo de balde con certas limitacións.
Falamos da Starter Edition, que
permitirá introducirse no primeiro acto de Diablo
III ata acadar o nivel 13, podendo competir só con usuarios da mesma
edición e sen poder acceder á casa de poxas con cartos reais. Amais, a Starter Edition terá o seu acceso
limitado durante os vindeiros 30 dÃas aos usuarios convidados (os códigos de
invitación veñen nas edicións fÃsicas de Diablo
III, como xeito de animar aos amigos a competir neste xogo de rol de
acción), o que minimiza os problemas de conexión aos servidores do xogo, algo
habitual tras lanzamentos desta dimensión, que poden xuntar a centos de
milleiros de usuarios simultáneos de todo o mundo.
Para dar a coñecer o que ofrece Diablo
III tamén podemos ver o seguinte vÃdeo en español:
- O xogo vai ofrecer unha Starter Edition para que os xogadores poidan iniciarse no mesmo de balde
- No xogo poderemos elixir entre 5 clases diferentes
