Death Stranding terá versión para PC

Até hoxe Death Stranding era un xogo moi ligado á marca PlayStation

Este mércores Kojima Productions vai estrear na Paris Games Week o tráiler de lanzamento de Death Stranding, agardado xogo que verá a luz para PlayStation 4 o vindeiro 8 de novembro, e que non se conformará con ver a luz nunha única plataforma, anunciando hoxe mesmo que a primeiros do verán de 2020 terá unha versión para PC que publicará 505 Games.
O xogo estivo moi ligado á marca PlayStation 4 durante os últimos anos, polo que o anuncio dunha versión para ordenadores persoais pode desmerecer o seu lanzamento para algúns xogadores que poderían preferir agardar uns meses para poder gozar dunha versión do xogo superior graficamente, aínda que o máis probable sexa que non se perciba nas vendas, xa que os seareiros de Hideo Kojima quererán experimentar o xogo o antes posible para evitar spoilers sobre a historia deste misterio título que, sen ser unha superprodución, promete ser bastante diferente ao que estamos afeitos.