Dead Rising 2 confírmase coma un título multiplataforma

luns, 9 de febreiro do 2009 Marcus Fernández

En setembro de 2006 os usuarios de Xbox 360 puideron gozar do xogo Dead Rising, que este mes chegará para Wii baixo o lema de Terror en el hipermercado, e dende Capcom parecen bastante seguros de que este xogo de mortos viventes poidan consolidar unha franquía, e xa anuncian que están a traballar en Dead Rising 2, que desta volta chegaría para Xbox 360, PlayStation 3 e PC, aínda que non adiantan a súa data de lanzamento.
O novo xogo estaría ambientado anos despois da primeira entrega, co perigoso virus que provoca a invasión de zombis espallado por todo EE.UU., ameazando con cubrir todo o mundo, polo que haberá que enfrontarse aos infectados con todo o que o xogador teña a man, o que agárdase que incremente a diversión.
Polo momento xa vimos imaxes do protagonista do xogo (que non parece ser o reporteiro gráfico Frank West da anterior entrega) empregando unha motocicleta, bates e elementos do mobiliario urbano para matar aos infectados que o atacan, o que resulta tan rechamante coma o feito de que o título vaia ser multiplataforma, o que agradecerá a comunidade de xogadores en xeral.

Poder matar zombis cunha motocicleta é unha das grandes novidades de Dead Rising 2

PUBLICIDADE