D-Link anuncia un receptor de audio-vídeo para portátiles con WiDi 2.0

mércores, 15 de xuño do 2011 Marcus Fernández

Para facilitar o consumo de contidos de ordenadores portátiles en televisores de alta definición, de xeito que facilítese a navegación na web, a visualización de fotografías e a reprodución de vídeos no televisor do salón prescindindo de cables no equipo informático D-Link presenta o seu MainStage (DHD-131) que funciona como receptor para ordenadores compatibles coa tecnoloxía Wireless Display de Intel.
Deste xeito, se temos un portátil con soporte de Intel Wireless Display (WiDi 2.0) podemos comunicarnos sen fíos co D-Link MainStage TV, que conectaremos ao televisor a través de HDMI ou de cables de vídeo e audio composto, de xeito que pasará a funcionar como un monitor secundario no que reproducir contidos e incluso realizar presentacións profesionais dun xeito bastante cómodo (libre de cables).
O MainStage incluso serviría para transmitir películas de Blu-ray a 1.080p, de xeito que aproveitaría ao máximo a resolución dos televisores domésticos, aínda que a súa comodidade non é de balde, pois venderase a partir do verán por 129,99 dólares (91,77 euros).

PUBLICIDADE