Convidan ás comunidades autónomas a sumarse á futura canle do Camiño de Santiago en Google Arts&Culture
luns, 6 de xullo do 2020
A ConsellerÃa de Cultura e Turismo e a AMTEGA veñen
de remitir ás Comunidades autónomas polas que discorre o Camiño de Santiago o
protocolo para adherirse a canle sobre a Ruta Xacobea que porán en marcha a
Xunta e Google. Con este protocolo búscase formalizar a invitación que a
Administración autonómica trasladou ás Comunidades no reunión do Consejo
Jacobeo celebrada o pasado 4 de maio, para sumarse a
iniciativa liderada por Galicia e colaborar na difusión e promoción
internacional do Camiño de Santiago.
O Goberno autonómico e o xigante tecnolóxico están xa a
definir as liñas de traballo desta colaboración que se considera estratéxica na
proxección do Xacobeo 2021 e que se concretará na creación dunha canle de
contidos que divulgue a riqueza cultural do Camiño na súa condición de
Patrimonio Mundial da Unesco.
Trátase dunha canle que se abrirá na plataforma Google
Arts&Culture, o proxecto cultural de Google, e que contempla a creación de
exposicións interactivas, a dixitalización a grande escala de varios Camiños e
dunha selección de monumentos e bens de interese cultural coa tecnoloxÃa Street
View.
Ata o momento non existÃa ningunha exposición virtual deste
calado dedicada ao Camiño e o fenómeno xacobeo desde a súa dimensión artÃstica,
cultural e patrimonial. O seu papel como elemento vertebrador de Europa
trasládase asà a novas contornas que, como está a demostrar a actual crise
sanitaria, é un ámbito privilexiado para o uso, consumo e desfrute cultural,
asà como un punto de encontro de persoas e pobos cun potencial enorme.
Este foi un dos temas abordados nunha recente Comisión
Executiva do Consejo Jacobeo, celebrada a petición de Galicia e que
serviu para avanzar na posta en común de medidas para a reactivación do Camiño
de Santiago de maneira coordinada a nivel estatal.
