Compostela Monumental forma en trámites en liña ás futuras profesionais do sector servizos
luns, 27 de xaneiro do 2020
A
Asociación
de Comerciantes e Empresarios CCA Compostela Monumental inicia
este luns o curso de Trámites en Liña, primeira das
actividades formativas que conforman o seu programa integrado para o
fomento da empregabilidade entre a poboación feminina no sector
servizos (un programa a prol da igualdade de oportunidades e o
derrube de fendas laborais). Na actividade que arrinca hoxe, as
mulleres participantes recibirán a formación precisa para poder
realizar distintas xestións cotiás vía telemática, como xestións
bancarias, trámites coa Seguridade Social, Facenda, etc.
O
obxectivo de Compostela Monumental é achegarlles os recursos para
que “saiban levar a cabo calquera tipo de xestión online
coas distintas entidades públicas ou privadas”.
O
curso terá unha duración de 6 horas e desenvolverase até o día 29
de xaneiro na aula formativa que Compostela Monumental ten na súa
sede da Algalia de Arriba 31. O horario será de 16:30 a 19:30 horas.
Tocaranse a fondo cuestións como o DNI Electrónico, o Certificado
Persoa Física, a Clave PIN ou a Clave Permanente. Mostrarase en
detalle como facer os seguintes trámites: descargar unha vida
laboral, selar o paro, visualizar e descargar un certificado de
empadroamento desde a sede electrónica dun Concello ou acceder aos
datos fiscais persoais da Axencia Tributaria, entre outras
operacións.
Colabora
co Programa Integrado de Emprego de Compostela Monumental a
Secretaría Xeral de Emprego da Xunta de Galicia, por medio da
Dirección Xeral de Orientación e Promoción Laboral (Servizo de
Programas Mixtos).