Cinfo leva a súa tecnoloxía de Intelixencia Artificial ao Auditorio e Palacio de Congresos Mar de Vigo
venres, 23 de abril do 2021
O
Auditorio
e Palacio de Congresos Mar de Vigo veñen de implantar o sistema de
produción automática Tiivii, desenvolvido pola empresa galega
Cinfo, con sede na Coruña. Segundo informan fontes da firma, a
instalación desta tecnoloxía “permitirá as actividades
programadas por medio dun sistema de retransmisión en directo de
forma totalmente automatizada e sen necesidade de intervención
humana”.
O
sistema Tiivii, engade Cinfo, pon ao Auditorio e o Palacio de
Congresos de Vigo na vangarda da innovación para poder desenvolver
eventos de maneira telemática.
Instalado
no hall e na sala polivalente do Auditorio, a tecnoloxía
implementada permitirá dar unha viraxe á metodoloxía usada até
agora para achegar ao público os diferentes concertos, conferencias
e espectáculos, “ao complementar as actividades por medio dun
sistema de retransmisión en directo de forma totalmente automatizada
e sen necesidade de intervención humana a través do uso de cámaras
intelixentes que producen eventos de calidade en cuestión de
minutos”, explican fontes de Cinfo, engadindo que o produto inclúe
soporte para medios gráficos, locucións, mestura de vídeo e mesa
completa de produción na nube reforzada por Intelixencia Artificial,
elementos que poderán ser usados en función das necesidades
particulares de cada evento.