Chegan ao mercado os teléfonos Yealink, “a solución perfecta para conferencias”
venres, 22 de xaneiro do 2016
No transcurso do primeiro
semestre de 2016 chegará ao mercado estatal unha familia de
teléfonos compatíbeis con Microsoft Skype for Business que, en
palabras dos seus desenvolvedores, constitúe “a solución perfecta
para conferencias”. O
teléfono Yealink, recoñecido co premio Skype for Business do
Grupo TMC pola súa “contribución ao medre deste tipo de
tecnoloxías no eido empresarial”, será distribuído no mercado
español pola firma SPC. Segundo esta compañía, “estamos
perante unha solución completa e innovadora que cobre todas as
necesidades de profesionais de calquera compañía, tanto PEME como
grandes empresas”.
Os aparellos da gama
Yealink contan con calidade de voz HD “e unha moderna interface”
deseñada para o usuario do Skype empresarial. Incorpora ademais
funcións avanzadas de conferencia, xestión visual da caixa de
correos de voz, marcación nun só toque e a funcionalidade BToE
(Better Together over Ethernet) para unha doada conmutación
de chamadas entre o cliente PC de Skype for Business e os teléfonos.
Yealink, arestora o segundo fabricante do mundo de teléfonos IP,
está certificado como Microsoft Gold Communications Competency
Hardware Partner, o que en palabras da compañía “garante que
os seus produtos son de fácil uso e aprendizaxe”. A gama inclúe
cinco teléfonos: o T40P, T41P, T42G, T46G e T48G. Este último é o
“buque insignia”, salientando pola súa pantalla táctil de 7
polgadas que amosa as fotos e o estado de presenza dos contactos da
axenda.