Capcom pon á venda 1 millón de copias de Super Street Fighter IV</Em>
luns, 3 de maio do 2010
O mellor xogo de
loita de 2009 foi sen dúbida o Street
Fighter IV, e dende Capcom decidiron continuar o seu desenvolvemento
durante meses para engadirlle novos personaxes, mellorar a súa xogabilidade,
incorporar novos golpes combinados e estrear modos de xogo, pero en vez de
incorporar estas prestacións coma contido descargable, optaron por empaquetalo
coma un xogo novo, Super Street Fighter
IV, que chegou o pasado venres ás tendas españolas a un prezo de 39,99
euros nas súas versións de Xbox 360 e PlayStation 3 (quedando desta volta o PC
fóra da ecuación).
- As fases de bonus son unha novidade moi agardada polos nostálxicos
A compañÃa parece confiar bastante neste novo tÃtulo que combina gráficos 3D
con xogabilidade 2D, pois puxeron
en circulación un millón de copias en todo o mundo, cantidade que
incluso esperan superar nos vindeiros meses, reforzando unha franquÃa que dende
o lanzamento da súa primeira entrega en 1987 conseguiu vender máis de 28
millóns de copias (en plataformas domésticas).
Super Street Fighter IV inclúe os 25 loitadores da
súa anterior entrega, e engade 10 personaxes novos, entre os que hai
creacións inéditas coma Hakan e Juri, e retoma a vellos coñecidos coma T. Hawk
e Dee Jay. Tamén incorpora novos decorados, combates mellor nivelados, ata 3
traxes diferentes por personaxe, 2 novos movementos Ultra adicionais para cada
personaxe, as fases de bonus que
moitos lembraban con morriña do clásico Street
Fighter II e moitas outras novidades que culminan no Modo Torneo, que será
un modo extra descargable que agradecerán os afeccionados a competir en
combates eliminatorios.