Cancelan NBA Elite 11

mércores, 3 de novembro do 2010 Marcus Fernández

Antes do Nadal deberiamos recibir nas nosas tendas o xogo NBA Elite 11, que debería coller o relevo da popular saga NBA Live de EA Sports, destacando pola incorporación de xogadores clásicos do campionato norteamericano (entre os que destacaba Michael Jordan, quen aparecería en portada do título), pero certos problemas de acabado do xogo levaron aos seus desenvolvedores a adiar o título uns meses de xeito que agora xa dan por perdida a entrega deste ano, e confirman que NBA Elite 11 nunca verá a luz, pois queren comezar a nova franquía con bo pé, de xeito que o único xogo de baloncesto que EA lance este será o NBA Jam, un título arcade que xa chegou á Wii e que en breve estreará versións para Xbox 360 e PlayStation 3.

PUBLICIDADE