Blizzard sobe ao barco das IA xenerativas

Coa emerxencia das intelixencias artificiais xenerativas non son poucos os xogadores que temen que iso poida facer que os videoxogos perdan a súa esencia para converterse en produtos xenéricos carentes de orixinalidade, e dende The New York Times están a confirmar estes temores, asegurando que Blizzard Entertainment xa está a adestrar un xerador de imaxes con elementos de World of Warcraft, Diablo e Overwatch, no que dan en chamar Blizzard Diffusion (en referencia a Stable Diffusion) e que serviría para axilizar os procesos de creación dentro dos videoxogos.
Dende Ubisoft tamén recoñecen empregar unha ferramenta chamada Ghostwriter que produce diálogos para xogos como Assassin’s Creed, axilizando a creación de personaxes non xogables.
Dende os estudios defenden que estas tecnoloxías poden axilizar a creación dos xogos, permitindo reducir as tarefas máis repetitivas, e dando máis tempo para traballos creativos, aínda que resulta innegable sospeitar que estamos unicamente ante un argumento para agochar que a realidade é que estase a avanzar na precariedade dun mercado laboral xa de por si moi inestable.
Cómpre salientar que dende Activision Blizzard está a advertir aos seus traballadores de que non usen material da compañía con xeradores de imaxe externos, ou sexa, que queren manter os procedementos internamente para evitar problemas co copyright.